திருநெல்வேலி மதுவிலக்கு குற்ற வழக்குகளில் பறிமுதல் செய்யப்பட்ட வாகனங்கள் ஏல அறிவிப்பு !!

திருநெல்வேலி மாவட்டம் மதுவிலக்கு குற்ற வழக்குகளில் பறிமுதல் செய்யப்பட்ட வாகனங்களின் ஏல அறிவிப்பு..!

திருநெல்வேலி மாவட்டம், மதுவிலக்கு குற்ற வழக்குகளில் கைப்பற்றப்பட்டு அரசு விதி முறைகளின் படி பறிமுதல் செய்து அரசுடமையாக்கப்பட்ட 12 இரு சக்கர வாகனங்கள், 3 மூன்று சக்கர வாகனங்கள் மற்றும் 4 நான்கு சக்கர வாகனங்களை திருநெல்வேலி மாவட்டம், ஊரக அனைத்து மகளிர் காவல் நிலையத்தில் உள்ள வளாகத்தில் வைத்து 15.05.2026 -ஆம் தேதி காலை 11.00 மணிக்கு பொது ஏலத்தில் விடப்படும் என்று அறிவிக்கப்படுகிறது.

பொது ஏலத்தில் கலந்து கொள்ள விருப்பம் உள்ளவர்கள் ஊரக அனைத்து மகளிர் காவல் நிலையத்தில் உள்ள வளாகத்தில் நிறுத்தி வைக்கப்பட்டுள்ள வாகனங்களை பார்வையிட்டு கொள்ளலாம்.

மேலும் வாகனங்களை ஏலம் எடுக்க விருப்பம் உள்ளவர்கள் சமாதானபுரம் மாவட்ட காவல் அலுவலகத்தில் உள்ள மதுவிலக்கு பிரிவு காவல் துணை கண்காணிப்பாளர் அலுவலகத்தில் 13.05.2026 மற்றும் 14.05.2026-ஆம் தேதிகளில் காலை 10.00 மணி முதல் மாலை 05.00 மணி வரை இருசக்கர வாகனத்திற்கு ரூ.2,000/- முன் பணமும் மற்றும் மூன்று சக்கர வாகனத்திற்கு ரூ.3,000/-செலுத்தி தங்களது பெயர்களை பதிவு செய்து கொள்ள வேண்டும்.

ஏலம் எடுக்க விருப்பம் உள்ளவர்கள் தங்கள் பெயரை பதிவு செய்யும் போது தங்களது ஆதார் அடையாள அட்டை, ஓட்டுனர் உரிமம், வாக்காளர் அடையாள அட்டை, ரேசன் கார்டு இவற்றில் ஏதாவது ஒன்றின் ஜெராக்ஸ் நகல் கொண்டு வரவேண்டும். பதிவு செய்தவர்கள் மட்டுமே ஏலம் எடுக்க அனுமதிக்கப்படுவார்கள்.

ஏலம் எடுத்தவுடன் முழு தொகை மற்றும் அரசால் விதிக்கப்படும் ஜி.எஸ்.டி. வரி சேர்த்து முழுவதையும் அரசுக்கு அன்றே ரொக்கமாக செலுத்தி வாகனத்தை பெற்றுக்கொள்ள வேண்டும் என தெரிவித்துக் கொள்ளப்படுகிறது.