இறந்தவரின் பெயரில் போலிப் பத்திரம் ! நில மோசடி புகார் !! குற்றப்பிரிவு போலீசார் விசாரணை !!?

இறந்தவரின் பெயரில் போலிப் பத்திரம் ! நில மோசடி புகார் !! குற்றப்பிரிவு போலீசார் விசாரணை !!?

சென்னை ஒக்​கி​யம் துரைப்​பாக்​கம் மது​ராபேட்டை கிராமத்​தில் உள்ள குடும்ப பாரம்​பரிய நிலத்​தை, இறந்த நபரின் பெயரில் போலி கையெழுத்​திட்டு அபகரித்​த​தாக எழுந்​துள்ள புகாரின் பேரில், தாம்​பரம் மாநகர காவல்​துறை​யின் மத்​திய குற்​றப்​பிரிவு போலீ​ஸார் வழக்​குப்​ப​திவு செய்து விசா​ரணை மேற்​கொண்டு வரு​கின்​றனர்.

இதுகுறித்து சென்னை தி.நகர் மதுரை வீரன் கோயில் தெரு​வைச் சேர்ந்த சி.ஆல​யம்​மாள் என்​பவர் அளித்த புகாரில், அவரது தந்தை சி.குப்​பு​சாமி கடந்த 1973-ஆம் ஆண்டு (02.01.1973) உயி​ரிழந்த நிலை​யில், அவர் உயிருடன் இருந்​தது போல் போலி கையெழுத்​திட்டு (12.05.1981) தேதி​யிட்ட கிரயப்​பத்​திரம் உரு​வாக்​கப்​பட்​ட​தாக குற்​றம்​சாட்​டி​யுள்​ளார்

புகாரின்படி, ஒக்கியம் துரைப்பாக்கம் பகுதியில் உள்ள 7 சென்ட் நிலத்தில் 2.5 சென்ட் நிலம் மல்லிகா என்பவருக்கு விற்பனை செய்யப்பட்டதாக போலி ஆவணம் தயாரிக்கப்பட்டு உள்ளது. பின்னர் அந்த நிலம் மல்லிகாவிடமிருந்து வேல்முருகன், அதன் பின்னர் மரிய மிக்கேல் என்பவரின் பெயருக்கு மாற்றப்பட்டுள்ளதாக தெரிவிக்கப்பட்டுள்ளது.

வாரிசு சான்றிதழின்படி ஆலயம்மாள் மற்றும் அவரது சகோதரர் சீனிவாசன் மட்டுமே சட்டப்பூர்வ வாரிசுகள் எனக் கூறப்படும் நிலையில், நிலத்தை அபகரிக்கும் நோக்கில் போலி ஆவணங்கள் தயாரிக்கப்பட்டதாக புகாரில் தெரிவிக்கப்பட்டு உள்ளது.

இந்த வழக்​கில் தொடர்​புடைய​தாக கூறப்​படும் வெங்​கடேசன், மல்​லி​கா, வேல்​முரு​கன், மரிய மிக்​கேல் ஆகியோர் மீது நடவடிக்கை எடுக்​கக் கோரி மனு அளிக்​கப்​பட்​டுள்​ளது.

புகாரின் அடிப்​படை​யில் மத்​திய குற்​றப்​பிரிவு போலீ​சார் வழக்​குப்​ப​திவு செய்​து, சம்​பந்​தப்​பட்ட ஆவணங்​கள் மற்​றும் பத்​திரப் பதிவு​களை ஆய்வு செய்து வரு​கின்​றனர்.

இது​வரை யாரும் கைது செய்​யப்​ப​டாத நிலை​யில், குற்​றச்​சாட்​டுக்கு உட்​பட்ட நபர்​களை போலீஸார்​ தீவிரமாக தேடி வருகின்றனர்.