உடல் நலக்குறைவால் உயிரிழந்த தலைமை காவலர் குடும்பத்திற்கு , ரூபாய் 25.52 லட்சம் நிதி உதவி !!?

உடல் நலக்குறைவால் உயிரிழந்த தலைமை காவலர் குடும்பத்திற்கு ரூபாய் 25.52 லட்சம் நிதி உதவி.

திருப்பத்தூர் மாவட்டம், வாணியம்பாடியைச் சேர்ந்த தலைமை காவலர் சிலம்பரசன் உடல் நலக்குறைவால் கடந்த 30/07/2025 அன்று உயிரிழந்தார்.

நாட்றம்பள்ளி காவல் நிலையத்தில் பணியாற்றி வந்த சிலம்பரசனின் குடும்பத்திற்கு 2011 இல் அவருடன் காவலர் பணியில் இணைந்த சக காவலர்களின் குழு ரூபாய் 25,52,000/- ( இருபத்தைந்து லட்சத்து ஐம்பத்து இரண்டு ஆயிரம் மட்டும் ) நிதி உதவி வழங்கியுள்ளது.

இந்த நிதியை மாவட்ட காவல் கண்காணிப்பாளர் அலுவலகத்தில் எஸ் பி அக்ஷய் அனில் வாகரே முன்னிலையில் உயிரிழந்த தலைமை காவலரின் மனைவி செந்தமிழ்ச்செல்வி,மகன் லக்சன் சாய் (வயது 6 )மற்றும் மகள் சாமீனி (வயது 5) ஆகியோரிடம் காசோலையாக வழங்கப்பட்டது.

இதில் லக்சன் சாய் மற்றும் ஷாமினி ஆகிய இரு குழந்தைகளின் பெயரில் 22 லட்சத்து 19,670 வங்கிக் கணக்கில் நிரந்தர வைப்புத் தொகையாக செலுத்தப்பட்டுள்ளது.

மேலும் சிலம்பரசனின் மனைவிக்கு 3,32,330 காசோலையாக வழங்கப்பட்டது.

இந்த நிகழ்வின் போது மாவட்ட காவல் கண்காணிப்பாளர் உயிரிழந்த காவலரின் குழந்தைகளுக்கு சாக்லேட் வழங்கி ஊக்குவித்தார் சக காவலரின் குடும்பத்திற்கு இத்தகைய துயரமான நேரத்தில் துணையாக நிற்பது தங்களின் கடமை என நிதி உதவி அளித்த காவலர்கள் தெரிவித்தனர்.

காவல் துறையினரின் இந்த மனிதநேய மிக்க செயலை பொதுமக்கள் மற்றும் சமூக ஆர்வலர்கள் வெகுவாக பாராட்டி வருகின்றனர்.