தேவகோட்டை போலீசாரின் அதிரடி சரவெடி ! வீடு புகுந்து திருடிய 06 பேர் கைது !! திருடு போன பொருட்கள் மீட்பு !!?

தேவகோட்டை போலீசாரின் அதிரடி சரவெடி ! வீடு புகுந்து திருடிய 06 பேர் கைது !! திருடு போன பொருட்கள் மீட்பு !!?

நள்ளிரவில் வீடு புகுந்து திருடிய வழக்கில் – 6 பேர் கைது சொத்துக்கள் மீட்பு .தேவகோட்டை நகர் காவல் நிலையத்தில் Cr.No.185/2026, U/s 331(4), 305(a) BNS சட்டப்பிரிவுகளின் கீழ் பதிவு செய்யப்பட்ட வீடு புகுந்து திருட்டு வழக்கில் தொடர்புடைய குற்றவாளிகளை தேவகோட்டை நகர் காவல் துறையினர் விரைந்து கைது செய்து, சிறப்பாக நடவடிக்கை மேற்கொண்டனர்.

இவ்வழக்கில், கடலூர் மாவட்டத்தைச் சேர்ந்த ராமகிருஷ்ணன் (வயது24), ஞானகுரு (வயது32), வீரப்புகழ் அரசன் (வயது20), சம்பத்குமார் (வயது21), தங்கபாண்டியன் (வயது26) மற்றும் கள்ளக்குறிச்சி மாவட்டத்தைச் சேர்ந்த மாரிமுத்து (வயது32) ஆகிய ஆறு பேரும் வீடு புகுந்து திருட்டில் ஈடுபட்டது விசாரணையில் தெரியவந்தது.

இதையடுத்து, தேவகோட்டை நகர் காவல் துறையினர் தீவிரமான சோதனை வேட்டையில் ஆறு பேரையும் கைது செய்து சட்டரீதியான நடவடிக்கைகளை மேற்கொண்டனர்.மேலும், சம்பவத்தின்போது திருடப்பட்ட நகைகள் முழுவதும் காவல்துறையினரால் மீட்கப்பட்டன.

கைது செய்யப்பட்ட எதிரிகளை நீதிமன்றத்தில் ஆஜர்படுத்தி, நீதிமன்ற காவலுக்கு உட்படுத்தி சிறையில் அடைக்க நடவடிக்கை மேற்கொள்ளப்பட்டது. வழக்கில் திறம்பட செயல்பட்டு குற்றவாளிகளை விரைந்து கைது செய்து, திருடப்பட்ட சொத்துக்களை மீட்ட தேவகோட்டை நகர் காவல் துறையினரை மாவட்ட காவல் கண்காணிப்பாளர் அவர்கள் பாராட்டுக்களையும், வாழ்த்துக்களையும் தெரிவித்துள்ளார்கள்.