சிவகங்கை சைபர் கிரைம் போலீசார் குற்ற விழிப்புணர்வு நிகழ்ச்சி ! ஆசிரியர்கள் ,  மாணவர்கள் பங்கேற்று உறுதிமொழி ஏற்பு !!?

சிவகங்கை சைபர் கிரைம் போலீசாரால் குற்ற விழிப்புணர்வு நிகழ்ச்சி ! ஆசிரியர்கள் மாணவர்கள் பங்கேற்று உறுதிமொழி ஏற்பு !!?

மாநில அளவிலான சைபர் குற்ற விழிப்புணர்வு உறுதிமொழி நிகழ்ச்சி

சிவகங்கை மாவட்ட காவல் கண்காணிப்பாளர் திரு. அபிஷேக் குப்தா, இ.கா.ப., அவர்களின் அறிவுறுத்தலின்படியும், ADSP-CCW திரு. உதயகுமார் அவர்களின் வழிகாட்டுதலின்படியும், சிவகங்கை மாவட்ட சைபர் கிரைம் காவல் நிலையம் சார்பில் மாநில அளவிலான சைபர் குற்ற விழிப்புணர்வு உறுதிமொழி நிகழ்ச்சி 18.08.2026 அன்று தேவகோட்டை N.S.M.V.P.S. பள்ளியில் நடைபெற்றது.

இந்நிகழ்ச்சியில் சுமார் 2,000 மாணவர்கள் மற்றும் பள்ளி ஆசிரியர்கள்/பணியாளர்கள் கலந்து கொண்டனர்.நிகழ்ச்சியில் ஆன்லைன் நிதி மோசடிகள், சமூக வலைதள குற்றங்கள், பாதுகாப்பான இணைய பயன்பாடு மற்றும் பல்வேறு சைபர் குற்றங்கள் குறித்து மாணவர்கள் மற்றும் ஆசிரியர்களுக்கு விழிப்புணர்வு ஏற்படுத்தப்பட்டது.

மேலும், மாணவர்கள் மற்றும் ஆசிரியர்கள் சைபர் குற்ற விழிப்புணர்வு உறுதிமொழி எடுத்துக்கொண்டனர். சைபர் குற்றங்கள் தொடர்பான புகார்களை www.cybercrime.gov.in என்ற இணையதளத்திலும், நிதி சார்ந்த சைபர் மோசடிகள் ஏற்பட்டால் உடனடியாக 1930 என்ற தேசிய சைபர் குற்ற உதவி எண்ணிலும் புகார் அளிக்கலாம் என்பது குறித்தும் விழிப்புணர்வு ஏற்படுத்தப்பட்டது.