பழனி காவல்துறையின் அதிரடி !? நகை பறிப்பில் ஈடுபட்ட இருவர் கைது! ஐந்து பவுன் நகை மீட்பு!!

பழனி காவல்துறையின் அதிரடி !! நகைப் பறிப்பில் ஈடுபட்ட இருவர் கைது !?

பழனி அருகே டூவீலரில் வந்த பெண்ணிடம் கத்தியை காட்டி மிரட்டி 5 பவுன் செயின் பறித்த வழக்கில் 2 வாலிபர்கள் கைது!?

திண்டுக்கல் மாவட்டம் பழனி, இந்திரா நகரை சேர்ந்த பிரேமா(50) இவர் டூவீலரில் சென்றபோது ரூக்குவார்பட்டி நான்கு வழிச்சாலை அருகே மர்ம நபர்கள் கத்தியை காட்டி மிரட்டி 5 பவுன் தாலி செயினை பறித்து சென்றனர்.

இதுகுறித்து பழனி காவல்துறை துணை கண்காணிப்பாளர் தனஞ்ஜெயன் உத்தரவின் பேரில், ஆயக்குடி காவல் நிலைய ஆய்வாளர் ராஜேஷ் தலைமையில், சார்பு ஆய்வாளர் முரளி மற்றும் காவலர்கள் அப்பகுதிகளில் உள்ள சிசிடிவி பதிவுகளை ஆய்வு செய்து தீவிர விசாரணை மேற்கொண்டு வந்தனர்.

மேற்படி சம்பவத்தில் ஈடுபட்ட ராமநாதபுரம் மாவட்டம், உச்சிப்புளியை சேர்ந்த நண்டு (எ) மாரீஸ்வரன் (வயது 23), சிவகங்கையை சேர்ந்த ஜெயராமன் (வயது 25) ஆகிய இருவரையும் கைது செய்து அவர்களிடமிருந்து 5 பவுன் தங்க நகையை மீட்டு நீதிமன்றத்தில் ஆஜர் படுத்தி சிறையில் அடைத்தனர்.

காவல்துறையின் சீறிய பணியால் திருடு போன நகை மீட்டு உடனடியாக மீட்டு உரியவரிடம் ஒப்படைத்ததில் பொதுமக்களும், சமூக ஆர்வலர்களும் காவல்துறையை பெரிதும் பாராட்டி வாழ்த்துக்களை தெரிவித்து வருகின்றனர்.