கனிம வளங்களை கடத்த முயற்சித்தால் ! கடுமையான நடவடிக்கை !!குமரி மாவட்ட எஸ்பி எச்சரிக்கை !!?

கனிம வளங்களை கடத்த முயற்சித்தால் ! கடுமையான நடவடிக்கை !!குமரி மாவட்ட எஸ்பி எச்சரிக்கை !!?

கன்னியாகுமரி மாவட்டத்திலிருந்து கேரளாவிற்கு சட்டவிரோதமாக கனிமவளங்களை கடத்த முயற்சிப்பவர்கள் மீது கடுமையான நடவடிக்கை எடுக்கப்படும் என்று மாவட்ட காவல் கண்காணிப்பாளர் டாக்டர்.இரா.ஸ்டாலின் எச்சரித்துள்ளார்.

கனிமவளம் கடத்தலில் ஈடுபடும் நபர்கள் மீது குண்டர் தடுப்புச் சட்டம் பாய்ச்சப்படுவதுடன், கடத்தலுக்கு பயன்படுத்தப்படும் கனிம வள லாரிகளும் பறிமுதல் செய்யப்படும் என தெரிவிக்கப்பட்டுள்ளது.

மேலும், மாவட்ட எஸ்.பி. ஸ்டாலின் உத்தரவின்படி, மாவட்ட எல்லைப் பகுதிகளில் உள்ள செக்போஸ்ட்களில் புதிய சிசிடிவி கேமராக்கள் பொருத்தப்பட்டு, கூடுதல் போலீசார் நியமிக்கப்பட்டுள்ளனர். அங்கு 24 மணி நேரமும் தீவிர கண்காணிப்பு மேற்கொள்ளப்பட்டு, கனிமவள கடத்தலை தடுக்கவும், சாலை விபத்துகளை குறைக்கவும் நடவடிக்கைகள் தீவிரப்படுத்தப்பட்டுள்ளன.

இந்த நடவடிக்கைகள் மூலம் மக்களின் உயிரிழப்புகளைத் தடுக்கவும், மாவட்டத்தின் கனிமவளங்கள் சட்டவிரோதமாக கொள்ளையடிக்கப்படுவதைத் தடுக்கவும் மாவட்ட காவல்துறை மேற்கொண்டு வரும் பணிகளுக்கு பொதுமக்கள் மத்தியில் நல்ல வரவேற்பு கிடைத்து வருவதாக தெரிவிக்கப்படுகிறது.