குமரி மாவட்ட காவல்துறையின் அதிரடி ஆக்ஷன்! ஏடிஎம் மையங்களில் தொடர் திருட்டு !! கைவரிசை காட்டிய பெண் குற்றவாளி கைது !!?

குமரி மாவட்ட காவல்துறையின் அதிரடி ஆக்ஷன்! ஏடிஎம் மையங்களில் தொடர் திரட்டு !! கைவரிசை காட்டிய பெண் குற்றவாளி கைது !!?

ATM மையங்களில் பொதுமக்களின் கவனத்தை திசைதிருப்பி பணம் திருடி பல்வேறு மாவட்டங்களில் கைவரிசை காட்டிய வழக்கில் பெண் குற்றவாளி கைது – கன்னியாகுமரி மாவட்ட காவல்துறை அதிரடி

கன்னியாகுமரி மாவட்டம், நாகர்கோவில் உட்கோட்ட எல்லைக்குட்பட்ட பல்வேறு ATM மையங்களில் பொதுமக்களின் கவனத்தை திசைதிருப்பி (Attention Diversion), அவர்களது ATM அட்டைகளை மாற்றி மோசடி செய்து, வங்கிக் கணக்குகளில் இருந்து பணம் திருடப்பட்ட சம்பவங்கள் தொடர்பாக வடசேரி மற்றும் கோட்டார் காவல் நிலையங்களில் பல்வேறு புகார்கள் பெறப்பட்டு விசாரணை மேற்கொள்ளப்பட்டது.

புகார்கள் சம்பந்தப்பட்ட ATM மையங்கள்.  

வெட்டுவெண்ணிமடம் IOB ATM.

நாகர்கோவில் நீதிமன்றம் அருகிலுள்ள IOB ATM.

WCC கல்லூரி அருகிலுள்ள Indian Bank ATM.

மீனாட்சிபுரம் IOB ATM.

ராமன்புதூர் SBI ATM.

மேற்கண்ட ATM மையங்களுக்கு வரும் பொதுமக்களிடம் உதவி செய்வது போல் நடித்து, அவர்களது ATM அட்டைகளை பெற்று பணம் எடுப்பது போல பாசாங்கு செய்து, பின்னர் வேறு ATM அட்டைகளை மாற்றிக் கொடுத்து ஏமாற்றி, அவர்களது வங்கிக் கணக்குகளில் இருந்து பணத்தை முறைகேடாக எடுத்துச் சென்றது விசாரணையில் தெரியவந்தது.

இச்சம்பவம் தொடர்பாக மாவட்ட காவல் கண்காணிப்பாளர் திரு. அன்ஷுல் நாகர், IPS அவர்கள், குற்றவாளிகளை விரைந்து கண்டறிந்து கைது செய்ய காவல்துறையினருக்கு உத்தரவிட்டார்.

அதன்பேரில், நாகர்கோவில் உட்கோட்ட துணை காவல் கண்காணிப்பாளர் திரு. இளஞ்செழியன் அவர்களின் மேற்பார்வையில், வடசேரி மற்றும் கோட்டார் காவல் நிலைய போலீசார் இணைந்து பல்வேறு CCTV காட்சிகள், மற்றும் தொடர் கண்காணிப்பின் அடிப்படையில் தீவிர விசாரணை மேற்கொண்டனர்.

விசாரணையின் முடிவில், ATM மோசடி தொடர்பாக 15-க்கும் மேற்பட்ட வழக்குகளில் தொடர்புடைய முக்கிய குற்றவாளியான தேனி மாவட்டம், ராஜகோபாலன்பட்டி பகுதியைச் சேர்ந்த ராஜேஷ் கண்ணன் என்பவரது மனைவி மணிமேகலை (வயது 29) என்பவர் இக்குற்றச்செயல்களில் ஈடுபட்டது உறுதி செய்யப்பட்டது.

இதனையடுத்து வடசேரி காவல் நிலைய போலீசார் மணிமேகலையைக் கைது செய்து, மேலும் தொடர்புடைய மோசடி வழக்குகள் குறித்து தீவிர விசாரணை மேற்கொண்டு வருகின்றனர்.