திண்டுக்கல் டிஎஸ்பி கார்த்திக் அதிரடி ஆக்ஷன் ! சிக்குண்ட கஞ்சா விற்பனையாளர் இருவர் கைது !!?

திண்டுக்கல் டிஎஸ்பி கார்த்திக் அதிரடி ஆக்சன் ! சிக்குண்ட கஞ்சா விற்பனையாளர் இருவர் கைது !!?

திண்டுக்கல்லில் போதைப்பொருட்கள் மெத்தபெட்டமைன், கஞ்சா சப்ளை செய்த இருவரை காவல்துறையினர் அதிரடியாக கைது செய்தனர்.

திண்டுக்கல் நகர் DSP.கார்த்திக் அவர்களுக்கு நாகல்நகர் பகுதியில் கஞ்சா விற்பனை செய்வதாக கிடைத்த ரகசிய தகவலின் அடிப்படையில்,
ஆய்வாளர் பாலமுருகன், உதவி ஆய்வாளர் பிரபாகரன் மற்றும் காவலர்கள் அப்பகுதியில் ரோந்து சென்றனர்.

சந்தேகப்படும்படி நின்ற காரை சோதனை செய்ததில் 1.3 கிலோ கஞ்சா வைத்திருந்தது தெரிந்தது. விசாரணையில் காரில் வந்தவர்கள் ஈரோடு மாவட்டம் சூரம்பட்டி நால்ரோடு ஈ.வி.என்., சாலையைச் சேர்ந்த ரகுராம் (வயது 33), திண்டுக்கல் பேகம்பூர் முகமதியாபுரத்தைச் சேர்ந்த அப்துல் பாசித் (வயது 32), என தெரியவந்தது.

கஞ்சா சப்ளை செய்ய முக்கிய நபரை அழைத்து செல்ல அவர்கள் காத்திருந்த போது காவல்துறையினரிடம் சிக்கியுள்ளனர்.

இதையடுத்து மற்றவர்களையும் பிடிக்க அப்பகுதியில் காவல்துறையினர் ரோந்து சென்றனர். போலீசாரை கண்டதும் ஒருவர் தப்பி விட்டார்.

அந்த இடத்தில் நடத்திய சோதனையில் பாக்கெட்டில் 0.85 மி.கி., உயர் ரக பவுடர் போதைப் பொருளான மெத்தப்பெட்டமைன் பறிமுதல் செய்யப்பட்டது. ரகுராம், அப்துல் பாசித் கைது செய்யப்பட்டனர்.

ஒரு கார், டூவீலர், 3 அலைபேசிகள், ரூ.8 ஆயிரத்து 700 பறிமுதல் செய்யப்பட்டது.