ஆதரவற்ற முதியவருக்கு அரவணைப்பு கரம் நீட்டிய நிமிர் குழு !!?

ஆதரவற்ற முதியவருக்கு அரவணைப்பு கரம் நீட்டிய நிமிர குழு !!?

உடல்நிலை மோசமான நிலையில் இருந்த ஆதரவற்ற முதியவருக்கு அரவணைப்புக் கரம் நீட்டிய நிமிர் குழு(THE RISING TEAM)

கன்னியாகுமரி மாவட்ட காவல் கண்காணிப்பாளர் டாக்டர் R. ஸ்டாலின் IPS அவர்களின் மனிதநேய வழிகாட்டுதலின்படி செயல்பட்டு வரும் நிமிர் குழுவினர், ஆதரவற்ற நிலையில் சிகிச்சை பெற்று வந்த முதியவருக்கு உரிய மருத்துவ உதவியை ஏற்பாடு செய்துள்ளனர்.

குளச்சல் பகுதியில் இருந்து கிடைத்த தகவலின் அடிப்படையில், கிரிதங்கம் மருத்துவமனையில் சிகிச்சை பெற்று வந்த தாணப்பன் நாயர் என்பவரை நிமிர் குழுவினர் நேரில் சந்தித்து விசாரித்தனர். அப்போது, பல மாதங்களாக ஆதரவின்றி தோட்டப் பகுதியில் தங்கி வந்த அவர் உடல்நலக் குறைவால் பாதிக்கப்பட்டு மருத்துவமனையில் அனுமதிக்கப்பட்டிருந்தது தெரியவந்தது.

மருத்துவமனையில் சேர்த்த நபர் தனது செலவில் இதுவரை சிகிச்சைக்கான அனைத்து செலவுகளையும் ஏற்றிருந்தாலும், தொடர்ந்து பராமரிக்க இயலாத நிலை இருப்பதாக தெரிவித்தார். இதையடுத்து நிமிர் குழுவினர் உடனடியாக நடவடிக்கை மேற்கொண்டு, 108 ஆம்புலன்ஸ் மூலம் முதியவரை ஆசாரிப்பள்ளம் அரசு மருத்துவக் கல்லூரி மருத்துவமனைக்கு பாதுகாப்பாக அனுப்பி வைத்தனர்.

மேலும், ஆசாரிப்பள்ளம் மருத்துவமனைக்கு நேரில் சென்று மருத்துவர்களை சந்தித்து முதியவரின் சிகிச்சை மற்றும் பராமரிப்பு குறித்து கேட்டறிந்தனர்.