பள்ளிப் படிப்பை பாதையில் நிறுத்திய 10ஆம் வகுப்பு மாணவிக்கு , மீண்டும் கல்வி வாய்ப்பை ஏற்படுத்திய “நிமிர் குழு”(THE RISING TEAM).

பள்ளிப் படிப்பை பாதியில் நிறுத்திய 10-ஆம் வகுப்பு மாணவிக்கு மீண்டும் கல்வி வாய்ப்பை ஏற்படுத்திய “நிமிர் (The Rising Team)” குழு.

சிறந்த சமுதாயத்தை உருவாக்க ஒவ்வொரு தனிமனிதனின் முன்னேற்றத்தையும் கருத்தில் கொள்ளும் கன்னியாகுமரி மாவட்ட காவல்துறை.

கன்னியாகுமரி மாவட்ட காவல் கண்காணிப்பாளர் டாக்டர். R. ஸ்டாலின் IPS அவர்களின் தலைமையிலும், வழிகாட்டுதலிலும் செயல்படும் நிமிர் குழுவினருக்கு, வேதநகர் பகுதியில் உள்ள ஒரு பள்ளியில் பயிலும் மாணவி ஒருவர் ஒரு வார காலமாக பள்ளிக்குச் செல்லாமல் இருப்பதாக தகவல் கிடைத்தது.

இதையடுத்து, நிமிர் குழுவினர் மாணவியின் வீட்டிற்குச் சென்று, பெற்றோர் மற்றும் மாணவியிடம் கல்வியின் முக்கியத்துவத்தை எடுத்துரைத்து உரிய ஆலோசனைகளை வழங்கினர். பின்னர் மாணவியை மீண்டும் பள்ளியில் அழைத்து சென்று , தொடர்ந்து கல்வியை மேற்கொள்ள தேவையான வழிகாட்டுதலையும் வழங்கினர்.

குறிப்பிடத்தக்க வகையில், கடந்த ஆண்டும் மாணவி பள்ளிக்கு தொடர்ந்து வராத சூழலிலும், நிமிர் குழுவினர் பலமுறை நேரில் சென்று அறிவுரை வழங்கி, அவரை பள்ளிக்கு மீண்டும் அழைத்து வந்து கல்வியைத் தொடரச் செய்திருந்தனர்.

ஒவ்வொரு குழந்தையின் கல்வியும் அவர்களின் எதிர்காலத்திற்கான அடித்தளம் என்பதை உணர்ந்து, பள்ளி இடைநிற்றலைத் தடுக்கவும், ஒவ்வொரு மாணவரும் கல்வியைத் தொடர்ந்து பயிலவும் கன்னியாகுமரி மாவட்ட காவல்துறையின் “நிமிர் – The Rising Team” குழுவினர் செயல்பட்டு வருகிறது.

நிமிர் குழுவை என்ற அமைப்பை உருவாக்கி, இதன் மூலம் மிகப்பெரிய சாதனைகளை செய்து வரும் மதிப்பிற்குரிய கன்னியாகுமரி மாவட்ட காவல் கண்காணிப்பாளர் திரு.இரா. ஸ்டாலின் ஐபிஎஸ் அவர்களை போலீஸ் விஷன் மற்றும் நங்கூரம் மீடியா நெட்வொர்க் வாயிலாக நன்றிகளையும், வாழ்த்துக்களையும், பாராட்டுக்களையும் தெரிவித்துக் கொள்கிறோம்.