சிவகங்கை –  மெச்சத்தகுந்த பணி செய்த தனிப்படை போலீசார் – எஸ்பி அபிஷேக் குப்தா ஐபிஎஸ் பாராட்டு !!?

சிவகங்கை – மெச்சத்தகுந்த பணி செய்த தனிப்படை போலீசார் – எஸ்பி அபிஷேக் குப்தா ஐபிஎஸ் பாராட்டு !!?

சிங்கம்புணரி கொள்ளை வழக்கில் துரித நடவடிக்கை !?
பெங்களூரு வரை சென்று ஒரே வாரத்தில் 3 பேரை கைது செய்த தனிப்படைக்கு காவல்துறையினருக்கு எஸ்.பி. பாராட்டு !

சிவகங்கை மாவட்டம்,சிங்கம்புணரி சந்திவீரன் கூடம் பகுதியில் அலமேலு என்பவரது வீட்டில் கடந்த செப்டம்பர் 18-ஆம் தேதி வீடு உடைக்கப்பட்டு, 12½ பவுன் தங்க நகைகள், 300 கிராம் வெள்ளிப் பொருட்கள் மற்றும் ரூ.88 ஆயிரம் ரொக்கம் கொள்ளையடிக்கப்பட்டது.

இந்த வழக்கில், தாய் மற்றும் 2 மகன்கள் என 3 பேரை பெங்களூரு வரை சென்று ஒரே வாரத்தில் கைது செய்த திருப்புத்தூர் காவல் நிலைய சப்-இன்ஸ்பெக்டர் ஹரிகிருஷ்ணன் தலைமையிலான தனிப்படையினரை, மாவட்ட காவல் கண்காணிப்பாளர் அபிஷேக் குப்தா ஐபிஎஸ் பாராட்டி சான்றிதழ் வழங்கினார்.

துரிதமாக செயல்பட்டு குற்றவாளிகளை கைது செய்த தனிப்படையினரின் நடவடிக்கைக்கு காவல்துறை சார்பில் பாராட்டு தெரிவிக்கப்பட்டது.

சிறப்பான முறையில் துரிதமாக செயல்பட்டு திருட்டு போன பொருள்களை மீட்டு திருடர்களையும் கைது செய்த காவல்துறையினரை பொதுமக்களும், சமூக ஆர்வலர்களும் பாராட்டி வருகின்றனர்.