போதைப்பொருள் தடுப்பு வேட்டையில் 20 கிலோ குட்கா பறிமுதல் ! ஒருவர் கைது !!?

போதைப் பொருட்களுக்கு எதிராக குமரி மாவட்ட காவல்துறையின் தொடர் வேட்டையில் 20 கிலோ குட்கா பறிமுதல் ஒருவர் கைது .

கன்னியாகுமரி மாவட்டத்தில் கஞ்சா, குட்கா, புகையிலை உள்ளிட்ட போதைப் பொருட்கள் விற்பனை மற்றும் கடத்தலை முற்றிலும் ஒழிக்கும் நோக்கில், மாவட்ட காவல் கண்காணிப்பாளர் டாக்டர் R. ஸ்டாலின் IPS அவர்கள் உத்தரவில் காவல்துறையினர் தீவிர கண்காணிப்பு மற்றும் தொடர் நடவடிக்கைகளை மேற்கொண்டு வருகின்றனர்.

அதன் தொடர்ச்சியாக, ஆரல்வாய்மொழி காவல் நிலைய எல்லைக்கு உட்பட்ட பகுதியில் சட்ட விரோதமாக குட்கா விற்பனை நடைபெறுவதாக கிடைத்த ரகசிய தகவலின் அடிப்படையில், ஆரல்வாய்மொழி போலீசார் தீவிர சோதனை நடத்தினர்.

மேற்கொண்ட சோதனையில், தோவாளை, திருமலைபுரம் பகுதியை சேர்ந்த ரங்கசாமி என்பவரின் மகன் பெரியசாமி (55) என்பவர் விற்பனைக்காக பதுக்கி வைக்கப்பட்டிருந்த 20 கிலோ அரசால் தடை செய்யப்பட்ட குட்கா பறிமுதல் செய்யப்பட்டு ஆரல்வாய்மொழி காவல் நிலைய குற்ற எண் 212/2026 U/S 6(a) r/w 24(1) cotpa Act & 123 BNS இன் கீழ் வழக்கு பதிவு செய்யப்பட்டது.

கன்னியாகுமரி மாவட்டத்தில் போதைப் பொருட்கள் விற்பனை, கடத்தல் மற்றும் பதுக்கலில் ஈடுபடுபவர்கள் மீது கடுமையான சட்ட நடவடிக்கைகள் தொடர்ந்து எடுக்கப்படும் என காவல்துறை சார்பில் எச்சரிக்கை விடுக்கப்பட்டுள்ளது.

முதல் முறையே மறுப்போம் போதை பாதையை தவிர்ப்போம்…