தமிழக காவல்துறையில் உயர்மட்ட ஐபிஎஸ் அதிகாரிகள் இடமாற்றம் !!?

தமிழக காவல்துறையில் உயர்மட்ட ஐபிஎஸ் அதிகாரிகள் இடமாற்றம் !!

தமிழக காவல்துறையில் உயர்மட்ட அளவில் இரண்டு மூத்த ஐபிஎஸ் அதிகாரிகளை பணியிட மாற்றம் செய்து தமிழக அரசு உத்தரவு பிறப்பித்துள்ளது.

2026 சட்டப்பேரவைத் தேர்தலை முன்னிட்டு இந்திய தேர்தல் ஆணையம் தமிழக காவல்துறை தலைமை இயக்குநராக (DGP) டாக்டர் சந்தீப் ராய் ரத்தோர், ஐபிஎஸ் அவர்களை நியமித்திருந்தது.

தற்போது தமிழக அரசு மகேஷ் குமார் அகர்வால், ஐபிஎஸ் அவர்களை தமிழக காவல்துறை தலைமை இயக்குநர் (DGP) மற்றும் காவல்துறைத் தலைவராக (HOPF) நியமித்துள்ளது. அவர் விரைவில் பதவியேற்க உள்ளார்.

இதனைத் தொடர்ந்து, தற்போதைய டிஜிபியாக பணியாற்றி வரும் டாக்டர் சந்தீப் ராய் ரத்தோர், ஐபிஎஸ், சென்னை சிறைகள் மற்றும் சீர்திருத்தப் பணிகள் துறையின் காவல்துறை தலைமை இயக்குநராக (Director General of Prisons and Correctional Services) நியமிக்கப்பட்டுள்ளார்.

மேலும், சென்னை சிறைகள் மற்றும் சீர்திருத்தப் பணிகள் துறையின் காவல்துறை கூடுதல் தலைமை இயக்குநராக பணியாற்றி வந்த கே. சங்கர், ஐபிஎஸ், சென்னை அமலாக்கப் பிரிவு சிஐடி (Enforcement Bureau CID) கூடுதல் காவல்துறை தலைமை இயக்குநராக நியமிக்கப்பட்டுள்ளார்.

புதிய டிஜிபியாக மகேஷ் குமார் அகர்வால் பதவியேற்க உள்ள நிலையில், தமிழக காவல்துறையின் உயர்மட்ட நிர்வாகத்தில் இந்த மாற்றங்கள் மேற்கொள்ளப்பட்டுள்ளன.

இந்த பணியிட மாற்றங்கள் உடனடியாக அமலுக்கு வரும் என தமிழக அரசின் உள்துறைத் துறை அறிவித்துள்ளது.