பழனியில் மது அருந்திய சிறப்பு சப்- இன்ஸ்பெக்டர் ஏட்டு பணியிடை நீக்கம் !!?

மது அருந்திய சிறப்பு சப்- இன்ஸ்பெக்டர் ஏட்டு பணியிடை நீக்கம் !!?

பழனி அருகே: கோவில் திருவிழாவில் மது அருந்தி வந்த சப்-இன்ஸ்பெக்டர்,போலீஸ் ஏட்டு பணியிடை நீக்கம் செய்து போலீஸ் சூப்பிரண்டு அதிரடி.

பழனி அருகே கீரனூரை அடுத்த கோரிக்கடவு கிராமத்தில் நேற்று முன்தினம் கோவில் திருவிழா நடந்தது.

இந்த விழாவிற்கு கீரனூர் போலீஸ் சிறப்பு சப்-இன்ஸ்பெக்டர் சக்திவேல், ஏட்டு பார்த்திபன் ஆகியோர் பாதுகாப்பு பணிக்காக சென்றனர்.

அப்போது அவர்கள் இருவரும் மது போதையில் இருந்ததாக கூறப்படுகிறது.இந்த நிலையில் திருவிழாவில் மது அருந்தி இருந்த சில வாலிபர்களை போலீசார் கண்டித்தனர்.

அதற்கு, பாதுகாப்புக்கு வந்த நீங்களே மது அருந்தி உள்ளீர்கள் என்று வாலிபர்கள் கூறியுள்ளனர். இதனால் போலீசாருக்கும், அவர்களுக்கும் இடையே தகராறு ஏற்பட்டதாக தெரிகிறது.

இது குறித்து மாவட்ட காவல் கண்காணிப்பாளர் ஜெயக்குமாருக்கு தகவல் கிடைத்தது.இதைத் தொடர்ந்து அவர் விசாரணை நடத்தினார். இந்த நிலையில் கீரனூர் போலீஸ் சிறப்பு சப்-இன்ஸ்பெக்டர் சக்திவேல், ஏட்டு பார்த்திபன் ஆகியோரை பணியிடை நீக்கம் செய்து திண்டுக்கல் மாவட்ட காவல் கண்காணிப்பாளர் ஜெயக்குமார் ஐபிஎஸ் அவர்கள் அதிரடியாக நடவடிக்கை எடுத்து உத்தரவிட்டார்.