வழிப்பறி குற்றவாளிகள் மூவர் ! 3 ஆண்டுகள் கடுங்காவல் சிறை !! நீதிமன்றம் பரபரப்பு தீர்ப்பு !!?

வழிப்பறி குற்றவாளிகள் மூவர் ! 3 ஆண்டுகள் கடுங்காவல் சிறை !! நீதிமன்றம் பரபரப்பு தீர்ப்பு !!?

சிவகங்கை மாவட்டம், சாலைக்கிராமம் காவல் நிலைய எல்லைக்குட்பட்ட தெற்கு சமுத்திரம் பகுதியைச் சேர்ந்த வட்டாயுதம் என்பவரது மனைவி அன்னமயில் (வயது62) என்பவர், கடந்த (07.08.2018) அன்று மாலை சுமார் 6.00 மணியளவில், சாலைக்கிராமம் சந்தையில் பொருட்கள் வாங்கிவிட்டு தெற்கு சமுத்திரம் கண்மாய் அருகே நடந்து சென்று கொண்டிருந்தார். அப்போது, காரில் வந்த இருவர் வழி கேட்பது போல் நடித்து, அன்னமயில் கழுத்தில் அணிந்திருந்த சுமார் 7½ பவுன் தங்கச் சங்கிலியைப் பறித்துச் சென்றுள்ளனர்.

இது குறித்து அன்னமயில் அளித்த புகாரின் பேரில், சாலைக்கிராமம் காவல் நிலைய குற்ற எண்.62/2018 U/s 392 IPC-ன் கீழ் வழக்குப் பதிவு செய்து விசாரணை மேற்கொள்ளப்பட்டது. விசாரணையின் அடிப்படையில், பரமக்குடியைச் சேர்ந்த சக்திவேல் (வயது 45), சென்னையைச் சேர்ந்த செல்வகுமார் (வயது 30) மற்றும் தினேஷ்குமார் (வயது 31) ஆகிய மூவரும் கைது செய்யப்பட்டு நீதிமன்றக் காவலுக்கு அனுப்பப்பட்டனர்.

பின்னர், வழக்கின் இறுதி அறிக்கை தாக்கல் செய்யப்பட்டு, இளையான்குடி குற்றவியல் நீதிமன்றம் எண்-1ல் வழக்கு விசாரணை நடைபெற்று வந்தது. இவ்வழக்கில் நேற்று வழங்கப்பட்ட தீர்ப்பில், குற்றவாளிகள் மூவருக்கும் தலா 3 ஆண்டுகள் கடுங்காவல் சிறைத் தண்டனையும், ரூ.5,000- அபராதமும் விதித்து நீதிமன்றம் தீர்ப்பளித்துள்ளது.

மேலும் மேற்கண்ட குற்றவாளிகள் மீது சிவகங்கை மற்றும் இராமநாதபுரம் மாவட்டங்களில் உள்ள பல்வேறு காவல் நிலையங்களில் திருட்டு உள்ளிட்ட குற்ற வழக்குகள் நிலுவையில் உள்ளன.
இவ்வழக்கில் சிறப்பாக பணியாற்றிய அரசு வழக்கறிஞர், காவல் ஆய்வாளர் மற்றும் நீதிமன்ற காவலர் ஆகியோரை சிவகங்கை மாவட்ட காவல் கண்காணிப்பாளர் திரு. அபிஷேக் குப்தா, இ.கா.ப., அவர்கள் பாராட்டினார்.