இராமநாதபுரத்தில் பரபரப்பு ! குப்பை கிடங்கில் ரூபாய் 5 கோடி மதிப்பிலான தங்க கட்டிகள் !! 5 நபர்கள் கைது !!?

இராமநாதபுரத்தில் பரபரப்பு ! குப்பை கிடங்கில் ரூபாய் 5 – கோடி மதிப்பிலான தங்க கட்டிகள் !! 5 நபர்கள் கைது !!?

குப்பையில் கிடைத்த பையில் இருந்த தங்கம், நகை, பணத்தை பங்கு போட்டுக் கொள்ள முயன்றபோது கைது – போதைப்பொருள் அமலாக்கப் பிரிவு காவல்துறையினர் அதிரடி நடவடிக்கை; ரூபாய் 5 கோடி மதிப்பிலான 38 தங்கக் கட்டிகள் பறிமுதல்!

செப்டம்பர் 23 – இராமநாதபுரம் அருகே உள்ள குப்பைக்கிடங்கில் கண்டெடுக்கப்பட்ட 3.788 கிலோ எடையுள்ள தங்கக் கட்டிகள் மற்றும் நகைகளைப் பங்கு போட்டுக் கொள்ள முயன்ற 5 பேரை காவல்துறையினர் கையும் களவுமாக கைது செய்துள்ளனர். இந்தச் சம்பவம் அப்பகுதியில் பெரும் பரபரப்பை ஏற்படுத்தியுள்ளது.

ரோந்துப் பணியின் போது சிக்கிய சந்தேக நபர்கள் !?

இராமநாதபுரம் மாவட்டம், முடுக்குத்தரவை சாலையில் போதைப்பொருள் அமலாக்கப் பிரிவு காவல்துறையினர் ரோந்துப் பணியில் ஈடுபட்டிருந்தனர். அப்போது, குடிசை மாற்று வாரியம் அருகே சந்தேகத்திற்கிடமாக நின்றிருந்த ஐந்து பேரைப் பிடித்து சோதனையிட்டனர்.

தங்கம், நகை மற்றும் ரொக்கப் பணம் பறிமுதல் !?

சோதனையில், அவர்களிடம் ரூபாய் 5 கோடி மதிப்பிலான 38 தங்கக் கட்டிகள், 28 சவரன் தங்க நகை மற்றும் ரூபாய் 12.20 லட்சம் ரொக்கப் பணம் இருந்தது கண்டறியப்பட்டது. விசாரணையில், அவர்கள் அப்பகுதியில் உள்ள குப்பைக் கிடங்கில் கிடந்த பையில் இருந்த தங்கக் கட்டிகள், நகை மற்றும் பணத்தைத் தங்களுக்குள் பங்கு வைப்பதற்காக அங்கு வந்ததும் தெரியவந்தது.

கைது செய்யப்பட்டவர்கள்: எம்.ஜி.ஆர். நகர் குப்புசாமி (வயது 45), லீலாவதி நகர் செல்வராஜ் (வயது 62), சரவணன் (வயது 50), மாரிமுத்து (வயது 27), வேலாயுதம் (வயது 40) ஆகியோர் ஆவர்.

விசாரணை தொடர்கிறது :

குப்பைக்கிடங்கில் இவ்வளவு பெரிய அளவிலான தங்கக் கட்டிகள் எவ்வாறு வந்தது என்பது குறித்து காவல்துறையினர் தீவிர விசாரணை நடத்தி வருகின்றனர். கைது செய்யப்பட்ட ஐந்து பேரிடமும் தொடர் விசாரணை நடைபெற்று வருகிறது.

போலீஸ் விஷன் புலனாய்வு !!?

குப்பைக்கிடங்கில் கிடந்த தங்கக் கட்டிகள் என்ற செய்தி, முதலில் நம்ப முடியாததாகவே தோன்றுகிறது. ஆனால், இதில் உண்மையான கேள்வி – இவ்வளவு பெரிய அளவிலான தங்கம் குப்பையில் எப்படி வந்தது? யாருடையது? இது ஒரு கடத்தல் தொடர்பான பணமா? அல்லது ஏதேனும் ஒரு பெரிய குற்றச் செயலின் ஒரு பகுதியா? போலீசார் இந்தக் கோணங்களில் விசாரணையை விரிவுபடுத்த வேண்டும். மேலும், இந்தத் தங்கம் யாருக்குச் சொந்தம் என்பதைக் கண்டறிவது மிக முக்கியம். இல்லையென்றால், இது ஒரு சாதாரண கைது நடவடிக்கையாக மட்டுமே முடிந்துவிடும்.

அடுத்தது என்ன ?

கைது செய்யப்பட்ட ஐந்து பேரும் நீதிமன்றத்தில் ஆஜர்படுத்தப்பட்டு, நீதித்துறை காவலில் வைக்கப்படுவார்கள். போலீசார், தங்கம் மற்றும் பணத்தின் மூலத்தைக் கண்டறியவும், இதில் யாரேனும் முக்கியப் புள்ளிகள் தொடர்புடையவர்கள் உள்ளனரா என்பதையும் விசாரிப்பார்கள். இந்த வழக்கு, தமிழகத்தில் தங்கக் கடத்தல் மற்றும் ஹவாலா பரிவர்த்தனைகள் குறித்த ஒரு முக்கியமான முன்னுதாரணமாக அமையும்.