சிவகங்கை போலீசாரின் அதிரடி சோதனை !! சிக்கிய ரூபாய் 15 கோடி மதிப்பிலான மெத்தாம்பெட்டமின் !!?

சிவகங்கை போலீசாரின் அதிரடி சோதனை !! சிக்கிய ரூபாய் 15 கோடி மதிப்பிலான மெத்தாம்பெட்டமின் !!?

தமிழ்நாட்டின் காவல் துறை இயக்குனர் வழிகாட்டுதலின்படி போதைப்பொருள் இல்லாத தமிழகத்தை உருவாக்க அனைத்து மாவட்டங்களிலும் காவல்துறை கண்காணிப்பு மற்றும் ரோந்து பணியில் ஈடுபட்டு வருகின்றனர்.

சிவகங்கை மாவட்டத்தின் மாவட்ட காவல் கண்காணிப்பாளர் (SP) திரு. இரா. சிவ பிரசாத், இ.கா.ப. (R. Shiva Prasad, IPS) அவர்களின் ஆணைக்கிணங்க சிவகங்கை மாவட்டம் சிவகங்கை நகர காவல் நிலையத்திற்கு உட்பட்ட பகுதியில் காவல்துறையினர் தீவிர ரோந்துப் பணியில் ஈடுபட்டு வந்தனர்.

இந்த அதிரடி சோதனையில், நடவடிக்கையில், சுமார் ரூபாய் 15 கோடி மதிப்பிலான 3.1 கிலோ மெத்தாம்பெட்டமின் (ஐஸ் பவுடர்) பறிமுதல் செய்யப்பட்டது.

இவ்வழக்கில் 4 பேர் கைது செய்யப்பட்டுள்ளனர்.
போலீசாருக்கு கிடைத்த தகவலின் அடிப்படையில் இந்திரா நகர் ரயில்வே கேட் அருகே மேற்கொள்ளப்பட்ட சோதனையில், மலேசியாவிற்கு கடத்துவதற்காக போதைப் பொருட்கள் வைத்திருந்தவர்களை, கைது செய்தும், அவர்கள் பயன்படுத்திய 3 செல்போன்களும் பறிமுதல் செய்யப்பட்டுள்ளன. மேலும், இந்த கடத்தல் கும்பலின் பின்னணியில் உள்ள முக்கிய குற்றவாளிகள் குறித்து தீவிர விசாரணை நடைபெற்று வருகிறது.