அஞ்சுகிராமம் போலீசாரின் அதிரடி !204 கிலோ அரசால் தடை செய்யப்பட்ட குட்கா பறிமுதல் !! இருவர் கைது !!!

அஞ்சு கிராமம் போலீசாரின் அதிரடி !
204 கிலோ அரசால் தடை செய்யப்பட்ட குட்கா பறிமுதல் !! இருவர் கைது !!!

போதைப் பொருட்களுக்கு எதிராக குமரி மாவட்ட காவல்துறையின் தொடர் அதிரடி நடவடிக்கை

கன்னியாகுமரி மாவட்டத்தில் கஞ்சா, குட்கா, புகையிலை உள்ளிட்ட போதைப் பொருட்கள் விற்பனை மற்றும் கடத்தலை முற்றிலும் ஒழிக்கும் நோக்கில், மாவட்ட காவல் கண்காணிப்பாளர் டாக்டர் R. ஸ்டாலின் IPS அவர்கள் உத்தரவில் காவல்துறையினர் தீவிர கண்காணிப்பு மற்றும் தொடர் நடவடிக்கைகளை மேற்கொண்டு வருகின்றனர்.

அதன் தொடர்ச்சியாக, அஞ்சுகிராமம் பகுதியில் சட்டவிரோதமாக குட்கா விற்பனை நடைபெறுவதாக கிடைத்த ரகசிய தகவலின் அடிப்படையில், அஞ்சுகிராமம் போலீசார் தீவிர சோதனை நடத்தினர்.

மேற்கொண்ட சோதனையில், மயிலாடி பகுதியை சேர்ந்த ரத்தினம் மகன் செல்வகுமார் மற்றும் சிவலிங்கம் மகன் மகேஷ் ஆகியோருக்கு சொந்தமான இடங்களில் இருந்து, விற்பனைக்காக பதுக்கி வைக்கப்பட்டிருந்த 204 கிலோ அரசால் தடை செய்யப்பட்ட குட்கா பொருட்கள் பறிமுதல் செய்யப்பட்டன.

கன்னியாகுமரி மாவட்டத்தில் போதைப் பொருட்கள் விற்பனை, கடத்தல் மற்றும் பதுக்கலில் ஈடுபடுபவர்கள் மீது இனியும் கடுமையான சட்ட நடவடிக்கைகள் தொடர்ந்து எடுக்கப்படும் என காவல்துறை சார்பில் எச்சரிக்கை விடுக்கப்பட்டுள்ளது.

முதல் முறையே மறுப்போம் போதை பாதையை தவிர்ப்போம்.